Sian Monas tu ‘Monaco’ Toba

Ilustrasi.

Dao do pardalanan sian Monas  tu Tao Toba. Na jolo ma i. Nuaeng, dibahen akka zaman naung canggih berbasis tehknologi, nadao  i  gabe  jonok do nuaeng. Sian Monas, Jakarta, tarpillit  do akka parhobas nalaho paulihon  Tao Toba.

Sian: ABHOTNEO NAIBAHO

Dung  hundul  ma si Jokowi gabe uluanni bangso Indonesia, nian adong do piga-piga perubahan na signifikan. Sandok, sian sosok ni ibana gabe Presiden, dang porlu margaya, jala dang porlu godang hata-hata. Alai, sebalikna, kerejo…karejo…karejo. Na marlapatan, gumodangan ma nian karejo na nyata dibandinghon holan hata-hata sambing (teoritis).

Di bagasan “Kabinet Kerja” ni Jokowi, di tonga dalan, dipillit do sada pangurupi ni Presiden na margoar Rizal Ramli laho mangisi karosi ni Menteri Koordinator Kemaritiman. Na huboto, ide Monaco Asia parjolo sahali dicetushon si “Tukang Kepret” on do na laho padengganhon Tao Toba gabe kawasan Destinasi Wisata na gabe salah satu priorotas balga di negaratta on.

Ima boccirna na gabe dibentuk ma sada organisasi manang Badan na laho mangurus Tao Toba na margoar Badan Otorita Danau Toba- disingkat “BODT”. Alai dang sadia leleng, ikkon so do si Tukang Kepret on sian karosina Menteri na nigattihon tulang Luhut Bisar Panjaitan.

Dung adong gagasan jala ujungna terbentuk ma BODT-i, godang do masyarakat na lasrohana di wacana i. Tarlumobi ma di akka bangso Batak, las situtu do roha menyambut wacana i. Adong ma i, na langsung manggadisi akka tanona be tu akka na laho berinvestasi mardomu tu daerah wisata. Sebalikna, godang do na manuhor tano dohot bangunan di kawasan Tao Toba na laho menginvestasihon bisnis di bidang pariwisata.

Mardomu tu gagasan besar on, moloma ta bereng di pitu kawasan Tao Toba, infrastruktur dalan godang dope na roa balang, haccur, marlubang, markariting molo nibolus. Polado targunjal butuha molo mardalan sian akka dalan na sega-sega i. Hape pamerengan tu topi tao soinama bagakna ni tao i, dang marna bosan molo nibereng Tao Toba nauli. Asingni dalan na roa balang, godang dope tong akka karamba ni dekke appunasa korporasi dohot sebagian kecil masyarakat na gabe mambahen aek ni Tao Toba gabe marbau amis jala keruh.

Ragam na asing na mambahen gabe so uli be Tao Toba i molo ta pahusor-husor di bagas roha dohot di pangguriton. Sada sungkun-sungkun di Bangso Batak, andigan do nian gagasan besar i terlaksana?

Note : "Bilakah Wacana besar menjadikan Danau Toba sebagai salah satu prioritas pengembangan Destinasi Wisata terlaksana?"