OPINI

Ilustrasi



Sian: Abhotneo Naibaho



Di tanggal on pasti adong na marningot ari hatutubu manang naung lazim didok mar-heppibetsdey.

Bahkan adong tong angka na marhosa baru tubu di bagas ari on. Jala, adong do tong na lao tu balikpapan, ima angka hosa na naung tos dijou si Pangolu.

Asing ni i, ninna angka na pistar, politikus, pengamat jala na dipagorgor ni angka parbarita informasi, sadari on ima ari Jumahat tanggal 4 bulan Nopember laho turun dolok ma ninna angka par ugamo pasahatton angka na solot di rohana be tu angka pejabat negara.



Sadia ma godangna?

Menurut naung tarbagabaga pigapiga ari on, godangna massa angka par ugamo i, boi ma dohonon sai hera GULAMO na di laut. Dang na holan sian kota berlabelhon Monas na ro, dohot sian kota Warteg, kota Mangga, kota tusuk sate, bahkan sian hampung di luat nusantara ro do ninna angka par UGAMO i na laho menyusun barisan sai hera GULAMO na di laut.

Konteks GULAMO molo di halak batak soi nama tabona. Dekke gulamo jot do dipangan angka hita batak rap dohot indahan. Alai halak batak kalangan partoru songon ahu sala satu na.

Ia gulamo secara ukkuran, gelleng do nian. Alai molo marpungu songon na di laut, sian na dao dohot sian na timbo songon pakke 'dron' tarbereng do angka gulamo i annon sai hera somut.




Gulamo na laho mambahen hasegaon

Molo sai pinaihutihut angka informasi saleleng on, ia angka par Ugamo na sai hera GULAMO i dang na laho mambahen angka hadengganon, sebalikna hasegaon do.

Ala ni i, angka aparat pertahanan ni bangso on unang jongongon. Buat ma langkah bijak dan strategis molo ro pe angka par ugamo i marpungu annon songon gulamo na di laut. Angka ise na massam-massam tor paridi ma nasida pakke waterkenon i. Molo tong dope sai marjugul, tor pakaluar ma senjata ampuh i, asa tumatangis halaki mandai tima na mohop.




Dang boi talu dekke Paus (red; Pamarenta) tu angka Gulamo. Molo holan na songon pasahatton angka na solot di bagas roha sajo, ia dang pola masala ala diatur do dibagas undang-undang negaratta.

Sai dipargogoi si Pangolu ma angka dekke Paus mangadopi angka Gulamo. Suang songoni Gulamo boi mulak tu dalan hasintongan. Boha pe ganas ni angka Gulamo, dang na tolap mangalo hagogoon ni alam. Sipata, si Pangolu pasahathon murukna marhite alam do.

Parpudi, molo tung pe marpungu angka Gulamo i, ula ma na denggan jala tikkos. Unang merusak. Jala ingot hamu ale angka Gulamo, angka sampa-sampa muna unang bolokkon secara sembarangan, bahen tu ingananna, butima.